Bəzi ev sahibləri kiçik uşağı olan ailələrə icarəyə ev vermək istəmirlər. Düşünürlər ki, evin kişisi işini itirəcək və evin kirayəsini verə bilməyəcək . Digərləri isə düşünürlər ki, uşaqlarla problem daha çoxdur. Üçüncüləri isə mənfi təcrübə yaşayıblar və təkrar səhv etmək istəmirlər.
Rieltorlara ən çox verilən suallardan biri odur ki, " Bizim balaca uşağımız var. Bizə kirayə verəcəklər? "
Ev axtararkən gənc valideynlər bir neçə meyara diqqət edirlər :
1) Evin yerləşmə mərtəbəsi.
6-cı mərtəbəyə kalyaska qaldırmaq çox çətindir. Əlbəttə, liftdə qaldırmaq olar. Amma lift işləmirsə onda necə ? Ona görə də çox vaxt birinci və ikinci mərtəbələrdə axtarırlar.
2) Evin qiyməti
Uşaq dünyaya gələndə ailədə xərclər 2-3 dəfə artır. Ona görə də 500 manata olan evi icarəyə götürməyə çox ailənin gücü çatmayacaq.
Ev sahibi kimi məsələyə yanaşanda isə əsas vacib məsələ evin əşyalarının qırılmaması və təmirinin pis günə qoyulmamasıdır. İki tərəf arasında mübahisə və ya münaqişə baş verərsə, ev sahibinin vəziyyəti əksər hallarda özbaşına həll etmək imkanı yoxdur.
Kirayə ev axtarışını asanlaşdırmaq üçün şəxsi təcrübəmizə əsaslanaraq bir neçə tövsiyə verə bilərik :
a) 1 yaşından yuxarı uşaqla evi dəyişirsinizsə, əvvəlki ev sahibindən tövsiyə yazmağı xahiş edin. Bu məktubla bir daha etibar ediləcəyinizi və əmlaka diqqətlə yanaşacağınızı bir daha təsdiq edəcəksiniz.
b) Müqavilədə bütün nüansları qeyd edin. Evi dəyişdikdən sonra əgər oboyları xərəb etmisizsə dəyişməyi , mebeli qırmısızsa düzəltməyi, divar və tavanı yemək qalıqlarından təmizləyəcəyinizi qeyd edin. Sizin üçün bu müsbətdir, ev sahibinə isə sizə evi kirayə vermək üçün daha bir səbəbdir. Balaca uşaqla kirayə ev götürmək mümkündür. Əsas odurki, uşağınız evdə bir şeyə zərər verərsə bunun məsuliyyətini öz üzərinizə götürün .
