Rahatlıq
Yeni tikili : Yüksək tavan, yeraltı qaraj, böyük pəncərələri olur
Köhnə tikili : Parking yeri çox vaxt çöldə olur. Kim harada yer tapdı orada parking edir.
Həyət
Yeni tikililərin həyəti asfaltlı, mühafizəli, qapalı , gəzinti üçün yeri, yaxşı işıqlandırılması olur
Köhnə tikililərin həyəti mühafizə olunmur. Asfalt örtüyü çox vaxt pis vəziyyətdə olur. Gəzinti yerinin olub olmaması isə binanın yerləşdiyi yerdən asılıdır.
Əhalisi
Yeni tikililərdə adətən daha cavan nəsil yaşıyır. Orta yaş həddi 25-40-dır
Köhnə tikililərdə isə orta yaş adətən 40+ olur.
Texniki vəziyyət
Yeni tikililərdə hər şey təzə olduğuna görə problemsiz yaşayır. Nəsə problem olanda komendanta müraciət edirsiz.
Köhnə tikililərdə isə bəzən problemlər olur. Suyun təzyiqi aşağı olur. Elektrik naqilləri köhnə olduğundan qoruyucular gərginliyə davam gətirməyib atırlar.
Maliyyə tərəfi
“Pod mayak” yeni tikililərin kvadrat metri 800AZN-dən başlayır. Həmçinin aldıqdan sonra isə minimum təmirinə 15-20000 pul xərcləyəcəksiniz. Remontsuz köçüb yaşaya bilməyəcəksiniz. Amma evə köçdükdən sonra isə kvadrat metrinə görə hər ay pul ödəməlisiniz.
Köhnə tikililərdə təmirə pul xərcləmədən belə dərhal köçüb yaşaya və ya icarəyə verə bilərsiniz. Bəzi ev sahibləri hətta evləri köhnə mebellərlə birlikdə verirlər. Amma illərlə binanın yaşı artdıqca evin qiyməti də düşəcək. İldə bir dəfə jekə zibil pulu və mənzil pulunu verirsiniz.
Daha faydalı məlumatlar
Yeni tikililərdə siz bilirsiniz ki, təmir zamanı hansı naqillərdən, borulardan istifadə etdiniz. İlk 2 ildə təmir səslərinə hazır olmalısınız. Bəzi bahalı yaşayış komplekslərində əgər 6-ya kimi təmir edirlərsə də, digər seqmentdə 24/7 təmir işləri aparılır.
Köhnə tikililərdə isə hansı boru və naqillərdən təmir zamanı istifadə olunduğunu bilmirsiniz. Alan kimi rahat köçə bilirsiniz.
Yeni tikililərdə ev almaq daha sərfəlidir. Çünki yeni tikililərə tələbat və qiymətlər hər il ildən ilə artır.
